Ispanııada kóshkinniń kesirinen poıyz relsten shyǵyp ketti
ASTANA. QazAqparat - Barselonaǵa jaqyn mańda poıyz relsten shyǵyp ketti. Bir adam qaıtys bolyp, 40-tan astam adam zardap shekti, dep habarlaıdy QazAqparat Euronews.com agenttigine silteme jasap.
Bul týraly Katalonııanyń azamattyq qorǵanys basqarmasy málim etti. Vedomstvonyń aqparatynsha, poıyzda 130-dan astam jolaýshy bolǵan. Olardyń arasynda 41 adam jeńil jaraqat aldy.
Poıyz jergilikti ýaqytpen tańǵy saǵat 06:16 kezinde katalondyq Vakarısses mýnıtsıpalıtetinde relsten shyǵyp ketti. Saldarynan Tarrasa qalasy men Manresa eldimekeni arasyndaǵy qozǵalys toqtatyldy. Oqıǵa ornyna órt sóndirýshiler, jedel járdem jáne quqyq qorǵaý organdarynyń qyzmetkerleri kelip jetti. Poıyzdaǵy jolaýshylardyń barlyǵy qaýipsiz jerge shyǵaryldy.
Aldyn ala boljam boıynsha, jol apatyna laı kóshkini sebep bolǵan. Sonyń aldynda Katalonııada birneshe kún qatarynan nóser jaýyn toqtamaı jaýǵan bolatyn.
