Ispanııada koronavırýsqa shaldyqqandar sany 100 myńnan asyp ketti
MADRID. QazAqparat – Ispanııada koronavırýs juqtyrǵandar sany 100 myńnan asyp ketti, dep habarlaıdy QazAqparat.
Ispanııa densaýlyq saqtaý mınıstrliginiń Twitter -degi resmı paraqshasy jarııa etkendeı, búginde Covid-19 juqtyrǵandar sany 102 136 adam boldy.
Aıta keteıik, seısenbi kúni bul kórsetkish 94 417 oqıǵany quraǵan bolatyn. Sońǵy 24 saatta qaıtys bolǵandar sany 8189 adamnan 9053 adamǵa artqan, ıaǵnı 864 adam.
Madrıd avtonomdy qoǵamynda aýrý juqtyrǵandar sany kóp tirkelgen – 29 840 jaǵdaı. Ekinshi orynda Katalonııa, onda 19 991 jaǵdaı.
Ispanııa densaýlyq saqtaý mınıstrliginiń málimetinshe, Ispanııada koronavırýstan 22 647 naýqas emdelip shyqqan.
Aıta keteıik, Ispanııada koronavırýs indeti Italııadaǵy Covid-19 jaǵdaıynan keıin birden ósti.
Foto: © Claudio Furlan/LaPresse via AP