Ispanııada kontrabandashylardan 3 tonna kokaın tárkilendi
ASTANA. QazAqparat - Ispanııa polıtsııasy kontrabandashylardan eldiń ońtústik aımaqtaryna taratylýy tıis 3 tonnaǵa jýyq kokaın tárkiledi.
Esirtkini ustaý boıynsha is-qımyldar eldiń soltústik-batysyndaǵy Galısııa aımaǵynda ótkizilgen. Sońǵy ret osyndaı kólemdegi esirtki aımaqta 1999 jyly ustalǵan.
Іs-qımyldar barysynda esirtki tasymaldaýshylar da, satyp alýshylar men satýshylar da ustaldy. Tasymaldaýshylardyń Ispanııa azamattary ekeni anyqtalsa, satýshylar - gollandııalyqtar, al satyp alýshylar - brıtandyqtar bolyp shyqty.
Bı-bı-sı-diń aqparattandyrýynsha, barlyǵy 12 adam ustalǵan. Іs-qımyldardyń mán-jaılary ázirge keltirilmeı otyr. Atap ótkende, polıtsııa esirtki saýdalaıtyndardyń izine qalaı shyqqany týraly habarlaýdan bas tartty.
