Ispanııada qazaqstandyq quramanyń óner kórsetýi Ýnıversıadalardyń búkil tarıhyndaǵy eń nátıjelisi boldy - Q.Zákirııanov

- Siz Ýnıversıadanyń uıymdastyrylýy deńgeıin qalaı baǵalaısyz?

- Ispanııa ekonomıkalyq jaǵdaıynda 2015 jylǵy ýnıversıadany ózi derbes ótkize almas edi. FISÝ (Halyqaralyq stýdenttik sport federatsııasy) oǵan úlken kómek berip, Slovakııaǵa keıbir jarystardy ótkizýge ótinish jasady. Biz búginde kólikpen qamtýda, sportshylardy tamaqtandyrýda, óte kóp qatelikter jiberilgenin kórip otyrmyz, sondaı-aq jarystardy uıymdastyrýda da belgili bir problemalar boldy. Soǵan qaramastan, Ispanııa qonaqtardy laıyqty qarsylady jáne meniń oıymsha kóptegen adamdarda Ispanııa týraly óte jaqsy áser qalatyny sózsiz.

- Bizdiń quramanyń óneri qanshalyqty tabysty ótti?

- Qazaqstandyq quramanyń óner kórsetýi týraly aıar bolsam, biz 1991 jylǵy Amerıkada ótken dodadan bastap, qatysyp kele jatqan ýnıversıadalardyń búkil tarıhynda osy jolǵy ýnıversıada eń sáttisi boldy dep aıta alamyn. Endi búgin jáne erteń - eki kún ǵana qaldy. Al Qazaqstan jalpy medaldar esebinde ekinshi orynda tur. Biz bul mejeni ustap tura almaýymyz múmkin, degenmen bestiktiń ishinde qalamyz. Bizdiń buǵan deıingi jaqsy jetistigimiz Insbrýkte boldy, Avstrııada - jetinshi orynnan kórindik. 2011 jyly Bangkokte 11-shi orynǵa syrǵydyq. Degenmen jazǵy Ýnıversıadaǵa 150-160 el qatysatynyn eskeretin bolsaq, - ondyqta bolýdyń ózi úlken jetistik. Eger biz qysqy Ýnıversıadaǵa qatysyp jatqan elý eldiń ishinde besinshi bola alsaq ta - úlken jetistik.

- Qazaqstan sporttyń qaı túrlerinen jaqsy óner kórsetip júr?

- Árıne, bizdiń shańǵyshylrymyzdyń óneri úlken ról atqardy. Sport jáne týrızm akademııasynyń stýdenti Anastasııa Slonova eki altyn mealdi jeńip aldy. Alına Raıkova bıatlonnan altyn aldy, meniń stýdentim - ıÝlııa Galysheva mogýlde altynnan alqa taqty. Taǵy bir birinshi kýrs stýdenti Pavel Kolmakov ta altynǵa qol jetkizdi.

Bıatlon, shańǵy jarysy, frıstaıl sporty túrlerinen Qazaqstan óziniń múmkindigin kórsete aldy.

- Aldaǵy eki kúnde qaı elder bizdiń aldymyzǵa shyǵýy múmkin?

- Tipti Ońtústik Koreıa bizden ozatyn bolsa, olar bir ǵana sport túri - short-trekten des bermeıdi. Bul ulttyq koreılik sport túri, olar ony Olımpıadalyq oıyndar baǵdarlamasyna, Búkilálemdik ýnıversıadalar baǵdarlamasyna engizdi jáne olar árqashan da 8 altyn medaldi qorjyndaryna sala alady.

Sol sııaqty biz de Qazaqstanda Azııa oıyndaryn ótkizdik, onyń baǵdarlamasyna shańǵydan baǵdarlaýdy engizdik, budan biz ben reseılikter ǵana jaqsy oınaıdy, olar osy joly qatyspaǵandyqtan 8 altyn medal bizdiń úlesimizge tıdi. Al tutastaı alǵanda, qazaqstandyq sportshylar osy Ýnıversıadada jaqsy oıyn órnegin kórsetti, dep sanaımyn.

Búgin erler hokkeıinen jartylaı fınaldyq kezdesý. Biz Chehııa quramasymen saıysqa túsemiz, olar kúshti qurama. Keńes Odaǵy kezinen beri hokkeı shberleri KSRO, Kanada, Chehoslovakııa, Shvetsııa bolǵanyn jaqsy bilesizder. Búgin chehtar jartylaı fınalǵa shyqty, biz olarmen kezdesemiz. 2013 jyly ótken ýnıversıadada biz fınalǵa shyqtyq, biraq ta kanadalyqtardan utylyp qaldyq. Bizdiń sportshylarysmyz, mine, sondyqtan da osynda, Ispanııada. 20 jyl buryn shaıbaly hokkeıden qazaqstandyq qurama altyn medaldi jeńip alyp edi. Sol tabysty bul joly da qaıtalasa jaqsy bolar edi.