Ispanııada kassetaly bombalardy joıý zaýytynda jarylys boldy
ASTANA. 3 shilde. QazAqparat - Ispanııanyń ortalyǵyndaǵy áskerı zaýyttardyń birinde tótenshe oqıǵa oryn aldy. Kassetaly bombalardyń kózi joıylatyn zaýytta jarylys bolyp, oqıǵa saldarynan 1 adam qaza tapty, taǵy tórt adam jaralandy, dep habarlaıdy Rosbalt agenttigi.
Oqıǵa senbi kúni Madrıdtiń batysyna qaraı 175 shaqyrym jerde - Kastılııa-La-Mancha avtonomııalyq ólkesindegi El-Gordo qalasynyń mańynda bolǵan.
Jergilikti telearnanyń habarlaýynsha, jarylys domnada bolǵan syńaıly. Qarý-jaraqtar joıylatyn bul zaýyt Ispanııanyń Qorǵanys mınıstrligine qaraıdy.
Oqıǵanyń naqty sebebin anyqtaý úshin qazir tekserý amaldary júrgizilip jatyr.
