Ispanııada karantın aıaqtalǵannan keıin koronavırýs juqtyrý oqıǵasy 400%-ǵa artqan

MÁSKEÝ. TASS – QazAqparat – Ispanııada karantın shekteýleri alynǵannan keıingi aıda 18 564 koronavırýs juqtyrý oqıǵasy anyqtalǵan, dep habarlaıdy QazAqparat TASS agenttigine silteme jasap.

Agenttiktiń habarlaýynsha, Ispanııada shekteý erejeleri alynǵan sáttegi kórsetkishpen salystyrǵanda vırýs juqtyrý oqıǵasy 400%-ǵa kóbeıgen. 21 maýsymnan bastap koronavırýstan 99 adam kóz jumyp, 1,1 myń naýqas aýrýhanaǵa jatqyzyldy. Qazirgi ýaqytta elde 200-den astam indettiń taralý oshaǵy bar. 21 maýsym kúni Densaýlyq saqtaý mınıstrligi 141 adam ınfektsııa juqtyrǵanyn habarlasa, 20 shilde kúni koroldik úkimeti bir táýlikte 685 juqtyrý oqıǵasy tirkelgenin habarlady.

Elde 265 myń koronavırýs juqtyrý oqıǵasy tirkelip, odan 28,4 myńnan astam adam qaıtys boldy. Naýryzdyń ortasynda Ispanııada joǵary deńgeıdegi daıyndyq erejesi engizildi. Bul shara turǵyndardyń júrip-turýyn shektedi. Ereje 21 maýsym kúni alyndy.

Ispanııada koronavırýstyń taralýy sáýirdegi kórsetkishpen salystyrǵanda aıtarlyqtaı azaıǵan. Degenmen, shekteý erejeleri alynǵannan keıin elde vırýstyń taralýy qaıta órship jatyr. Osyǵan baılanysty avtonomdy oblystardyń bılik ókilderi qaıtadan qatań karantın erejelerin engizýge májbúr bolyp otyr.