Ispanııada qanjar ustaǵan adam shirkeý qyzmetkerin óltirdi

MADRID. QazAqparat – Ispanııanyń ońtústigindegi eki shirkeýge sársenbi kúni keshke qarýly shabýyl jasalyp, bir adam mert boldy, birneshe turǵyn jaraqat aldy, dep habarlaıdy QazAqparat BBC News agenttigine silteme jasap.

Polıtsııa málimetinshe, qarýlanǵan kúdikti bir-birinen 300 metr jerde ornalasqan eki shirkeýge jergilikti ýaqyt boıynsha saǵat 19:00-de qanjarmen (machete) shabýyl jasaǵan.

Reuters agenttiginiń dereginshe, kúdikti áýeli Alhesıras qalasyndaǵy San-Isıdro shirkeýine kirip, shirkeý qyzmetshisin bas salyp, aýyr jaraqattaǵan. Sodan keıin ekinshi Nýestra Senora de la Palma shirkeýine baryp, din qyzmetshisin pyshaqtaǵan. Ol amalyn taýyp shirkeýden qashyp shyqqanymen, oǵan qaıta shabýyl jasalyp, qatty jaralanǵan. Polıtsııa qylmyskerdi birden ustap áketti. Ol 25 jastaǵy Marokko azamaty bolyp shyqty. Qazirgi ýaqytta ol qamaýda otyr.

Jaralanǵan din qyzmetshisiniń jaǵdaıy aýyr. Shabýyl saldarynan taǵy tórt adam túrli jaraqat alǵan.

Tergeýshiler oqıǵany lańkestik áreket retinde tergep jatyr.

Foto:Getty Images