Ispanııada ıtterge arnalǵan sý kýrorty ashyldy
ASTANA. QazAqparat - Ispanııanyń La-Roka-del-Vales mýnıtsıpalıtetinde ıtterge arnalǵan álemdegi birinshi Canino Can Jane sý kýrorty ashyldy. Shıpajaı Barselonadan 30 mınýttyq jerde ornalasqan, dep habarlaıdy sheteldik BAQ.
Demalys orny basseın men qonaq úıden turady. Itterdiń ıeleri men olardyń janýarlary basseınge túsedi, serýendeıdi, qonaq úıde jatyp demalady. Atalǵan demalys orny jazǵy maýsym aıaqtalǵan soń jumysyn jalǵastyra ma, joq pa, ol jaǵy ázirge belgisiz. Bir atap ótetini, Ispanııada Eýropanyń basqa elderindegideı ıtterge basseınge shomylýǵa, jaǵalaýda serýendeýge tyıym salynǵan. Tek 2014 jyly jazda Italııanyń Rımını kýrortty qalasynda ıtter men olardyń ıelerine arnalǵan jaǵajaı ashyldy.
