Ispanııada F.Bekonnyń 30 mln eýro turatyn qolóner týyndysy urlandy
ASTANA. QazAqparat - Madrıdte ataqty brıtanııalyq sýretshi Frensıs Bekonnyń bes sýreti qoldy boldy. Olar sýretshiniń Ispanııa astanasyndaǵy úıinen joǵalǵan.
Qolóner týyndylarynyń jalpy quny 30 mıllıon eýroǵa baǵalanyp otyr. Atalǵan qylmys túri Ispanııada sońǵy 10 jyl ishinde jasalǵan úlken urlyq retinde tirkeldi.
Tergeý barysynda qylmystyń osydan toǵyz aı buryn jasalǵany belgili boldy. Alaıda sýretshi muny baıqamaǵan. Tergeýshilerdiń aıtýynsha, qylmyskerler qolóner týyndylaryn úıde eshkim joq ýaqytta qoldy qylǵan. Búginde qundy kartınalar Ispanııa jáne odan tys elderde de izdestirilip jatyr, dep jazady 24.kz.
