Ispanııada etnıkalyq qaqtyǵys órshı tústi

MADRID. KAZINFORM — Ispanııanyń ońtústigindegi Torre-Pacheko qalasynda radıkaldy kózqarastaǵy jergilikti turǵyndar men mıgranttar arasynda qaqtyǵystar áli jalǵasyp jatyr, dep jazdy TASS.

Qoǵamdyq tártipti Grajdan gvardııasy (Azamattyq gvardııa) qamtamasyz etip jatyr. Bul týraly La Verdad basylymy derekkózderge silteme jasap habarlady.

— Adamdardyń jınalýy eki lagerdiń qaqtyǵysyna uqsap turdy, olardyń arasyna Grajdan gvardııasy únemi kedergi jasap, qyrǵyn men aýyr jaraqattardyń aldyn alýǵa tyrysty, — dep túsindirdi jaǵdaıdy úkimet ókili Marıola Gevarý.

Gazette berilgen derekke sáıkes, jergilikti turǵynǵa jasalǵan shabýyldan keıin radıkaldy toptar mıgranttardy izdeýge kirisken, olardyń turatyn jerlerine baryp, qýǵyn uıymdastyrǵan. Bul mıgranttar tarapynan jaýap áreketke ákelip, sońy qaqtyǵysqa ulasqan. Oqıǵa barysynda birneshe adam ustalyp, zardap shekkender bar.

Marıola Gevarý Valensııa bıliginen tártipsizdikterge qarsy kúres bólimshesin Torre-Pachekoǵa jiberýdi surady. Onyń aıtýynsha, qalanyń árbir kóshesi qaýipsizdik kúshteri tarapynan baqylaýda, al oqıǵa boıynsha tergeý júrgizilip jatyr.

Buǵan deıin, 8 maýsym kúni, Ispanııada úkimetke qarsy myńdaǵan adam qatysqan narazylyq sherýi ótken bolatyn. Bul sharany oppozıtsııalyq konservatıvtik Halyq partııasy uıymdastyrǵan.

Eske sala keteıik, buǵan deıin Italııa men Ispanııada qyzyl deńgeıli dabyl jarııalanǵanyn jazǵan edik.

Ispanııanyń ulttyq meteorologııalyq agenttigi AEMET maýsym aıy tarıhtaǵy eń ystyq aı bolýy múmkin dep eskertken edi. Sevılıa men eldiń ońtústigindegi basqa qalalarda aýa temperatýrasy 42°C-qa deıin kóteriletini habarlanǵan bolatyn.