Ispanııada eki tonna kokaın jasyrylǵan súńgýir qaıyǵy ustaldy
NUR-SULTAN. QazAqparat – Quqyq qorǵaýshylar búgin Ispanııada súńgýir qaıyǵyn ustady, onyń bortynan eki tonnadan astam kokaın tabylǵan. Bul týraly El Pais habarlaıdy.
«Ulttyq polıtsııa, azamattyq gvardııa jáne keden baqylaý (DAVA) agentteri Kolýmbııadan Galısııa jaǵalaýyna bet alǵan súńgýir qaıyǵyn ustady. Qaıyqtan 2000 keliden astam kokaın tabyldy», - delingen habarlamada.
Polıtsııa eki adamdy qolǵa túsirdi. Bul polıtsııalyq operatsııa halyqaralyq yntymaqtastyqtyń arqasynda júzege asyrylǵan.
Qazirgi tańda súńgýir qaıyǵyn jaǵalaýǵa ákelý sharalary iske asyrylyp jatyr.
