Ispanııada eki márte jer silkinisi saldarynan 10 adam mert boldy
ASTANA. 12 mamyr. QazAqparat - 11 mamyr kúni keshkisin Ispanııanyń ońtústik-shyǵysynda bolǵan jer silkinisinen on adam kóz jumdy,
dep habarlaıdy Associated Press jergilikti bılik ókilderine silteme jasaı otyryp.
Ispanııanyń Lorka qalasynda araǵa eki saǵat salyp eki jer silkinisi tirkeldi. Magnıtýdasy 5,1 ball jer silkinisi jergilikti ýaqyt boıynsha saǵat 18:47-de bolǵan, eki saǵattan keıin 4,4 baldyq taǵy bir silkinis tirkelgen.
Silkinis saldarynan kóptegen ǵımarattar, onyń ishinde ortaǵasyrlyq shirkeý munarasy zaqymdanyp, ondaǵan avtokólik qıratyndylar astynda qaldy. Qalanyń tarıhı ortalyǵyn polıtsııa qorshaýǵa alyp, turǵyndar kóshirilýde. Oqıǵaǵa kýá bolǵandar zardap shekkenderdiń kóp bolǵanyn aıtqanymen, jaralanǵandar sany týraly resmı málimetter ázirshe jarııalanǵan joq.
Agenttiktiń habarlaýynsha, Lorka qalasynyń aýrýhanalaryna jedel járdem kóligimen 270 naýqas jetkizilgen.
