Ispanııada Dımash pen jankúıerleri týraly derekti fılmniń premerasy ótedi
ASTANA. KAZINFORM – Qazaqstandyq ónerpaz Dımash Qudaıbergenniń Ispanııadaǵy jankúıerleri ánshiniń shyǵarmashylyǵyna jáne onyń halyqaralyq aýdıtorııasynyń fenomenine arnalǵan derekti fılm túsirý jumysyn aıaqtady. Bul týraly dimashnews.com jazdy.
Joba ıspanııalyq fan-klýb pen Gran Voz Kazaja qaýymdastyǵynyń qatysýymen júzege asyryldy. Fılmdi ázirleý jumystary 2024 jyldyń qazan aıynan bastap, shamamen eki jylǵa sozylǵan. Derekti týyndynyń premerasy 2026 jyldyń 30 mamyryna josparlanǵan. Fılm Madrıd qalasynyń Ortalesa aýdanyndaǵy Palacio de Hielo kınoteatrynda ótedi.
Derekti fılmniń negizine 20 saǵattan astam beınematerıal engizilgen. Onyń ishinde arhıvtik jazbalar, fotosýretter jáne suhbattar bar. Erekshe nazar bes jankúıerdiń oqıǵasyna aýdarylǵan: olar ózderiniń jeke áserlerimen bólisip, ónerpazben baılanysy týraly baıandaıdy. Joba avtorlary Dımash Qudaıbergenniń tulǵalyq aýqymyn ǵana emes, sondaı-aq ánshi men onyń halyqaralyq aýdıtorııasy arasyndaǵy ózara baılanystyń tereńdigin de kórsetýge umtylǵan.
Fılm túsirýshilerdiń aıtýynsha, jobanyń basty maqsaty – ánshiniń shyǵarmashylyǵyn odan ári nasıhattap, onyń ónerin Qazaqstannan tys jerlerde keńinen tanytý.
Derekti fılmniń rejısseri, túsirilim men montaj jumystaryna jaýapty ıspanııalyq avtor Davıd Kolıantes Rodrıges boldy.
Eske sala keteıik, buǵan deıin Dımash Qudaıbergenniń áni Polsha chartynda bir jyl boıy kósh bastap turǵanyn jazǵanbyz.