Ispanııada buqalar qatystyrylatyn saýyqtar ornyn alyp doptardan qashý oıyny basýda
ASTANA. QazAqparat - Ispanııanyń Mataelpıno qalasynda buqalar qatystyrylatyn oıyn-saýyq sharalarynyń ornyna jurtshylyqtyń basqa oıynǵa qyzyǵýshylyǵy baıqalýda.
Endi kóńil kóterý sharalary kezinde salmaǵy 125 keli jáne dıametri 3 m bolatyn alyp doptarmen oınaý usynylady. San-Bartolome festıvali kezinde olar qala kóshelerinde domalatylady, al erekshe áser alǵysy keletinder alyp doptan qashyp kóńil kóteredi. Buqa oıyndarynan bas tartýǵa birneshe sebep bar: birinshiden, oǵan ekologtar narazylyq tanytsa, ekinshiden, ekonomıkalyq qıyndyqtar da óz áserin tıgizýde, dep habarlady Euromag. Bul tájirıbe janýarlardyń quqyǵy úshin kúresetin RETA dúnıejúzilik uıymymen tabysty dep tanyldy. Uıym osy bastamany elde keńinen taratýdy usyndy. Ekologtar Ispanııa men Portýgalııa qalalarynda janýarlar paıdalanylatyn kóńil kóterý oıyn-saýyqtaryn tııý úshin alyp doptardyń qarjysyn tóleýge daıyn. Aıta keterligi, buqalar oıyndary doptarǵa aýystyrylǵanymen, týrıster úshin mundaı kóńil kóterý oıyndary óz qaýiptiligin joımady.
