Ispanııada buqadan qashý oıynynda 37 adam zardap shekti
ASTANA. 15 shilde. QazAqparat -Ispanııada keshe, 14 shildede San-Fermın festıvali óz máresine jetti. Reuters-ke silteme jasaı otyryp Lenta.ru habarlaǵandaı, festıval aıasynda buqadan qashý 8 ret ótipti.
Jalpy 37 adam zardap shekti, onyń tórteýi, sonyń ishinde ekeýi aǵylshyndar, buqa múıizinen jaraqat aldy.
Sońǵy qashý 14 shilde kúni tańerteń boldy jáne onyń uzaqtyǵy eki jarym mınýtqa sozyldy. La Vanguardia málimdegendı, qashýdan keıin 59 adamǵa medıtsınalyq kómek kórsetilip, tórteýi aýrýhanaǵa jatqyzylǵan.
El Pais basylymynyń aqparatyna sáıkes, festıvaldiń sońǵy aınalymynda atalmysh festıvalge tuńǵysh ret qatystyrylyp otyrǵan Torreandılıa-Torreebreros fermalarynyń buqalary qatysqan. Buqalar óte ashýly bolǵan jáne bir buqa búkil qashyqtyqty (845 metr) saǵatyna 25 kılometr ortasha jyldamdyǵynda eki mınýttan az ýaqytta júgirip ótken.
San-Fermın festıvali 14 shildeniń tún jarymynda Pamplonanyń ortalyq alańynda dástúrli túrde «Pobre de Mi» halyq áninoryndaýmen támamdalady. Bul jyly festıvalge kelýshiler sany jarty mıllıon dep eseptelgen.
San-Fermın Pamplonada júz jyldan beri jyl saıyn ótkizilip keledi. Buqadan qashý festıvaldiń eń tanymal (ári eń qysqa) bólimi. Oǵan tek Ispanııadan ǵana emes, álemniń basqa elderinen kelgen týrıster úlken qyzyǵýshylyq tanytady. Ondaǵan adamdar jaraqat alǵanymen ólimge alyp kelgen jaǵdaılar sırek kezdesedi. 1925 jyldan qazirgi ýaqytqa deıin osy qashýlarda barlyǵy 15 adam mert bolǵan.
