Ispanııada bir sıyr 8 adamdy taptap ketti
ASTANA. QazAqparat - Oqys oqıǵa Santaderde oryn aldy. Qala basshylyǵy eldegi dástúrli jarqyn merekelerdiń biri - toılaý kezinde ortalyq kóshelermen júzdegen asyl tuqymdy sıyrlar kóshemen jóńkile júretin meıramdy jańǵyrtpaq bolǵan.
Top-top sıyrlar Kalvo Sotelo dańǵylymen júrgen kezinde olardyń biri kenetten kóshe qaptalyna qaraı umtylǵan. Saldarynan segiz eresek adam jáne bir bala onyń tuıaǵynyń astynda qaldy. Bári de jaraqattanǵan.
Qala basshylyǵy qaýipsizdik sharalarynyń jetkilikti bolmaǵanyn moıyndady jáne bolashaqta qyraǵylyqty kúsheıtýge ýáde etti. Degenmen bul arada jurtshylyqtyń da beıqamdyǵyn aıta ketken oryndy. Keıbiri sıyrlardyń arasyna kirip ketip sýretke túspekke áreketengen, al ekinshileri múıizderinen ustap kórýge tyrysqan.
