Ispanııada barmen 48 jylǵa sottaldy
ASTANA. QazAqparat - Ispanııalyq Astýrı avtonomdy oblysy Hıhon qalasyndaǵy eks-barmen 48 jylǵa sottaldy. Ol áriptesin maskúnemdikten emdeýge arnalǵan dárimen ýlaýǵa árekettengen. Bul týraly EFE agenttigi habarlady.
Belgili bolǵandaı, 57 jastaǵy er adam 2005 jyldan 2012 jyldar aralyǵynda úzdiksiz óziniń 19 áriptesine maskúnemdikten emdeýge arnalǵan preparat berip kelgen.
Preparat áseri saldarynan qyzmetkerler ózderin jaısyz sezinip, bastary aýyrǵan. Jalpy ol keri áser bergen.
Aıyptaýshylardyń aıtýynsha, ıspandyq jumystaǵy básekelesterimen osylaısha kúresken. Óıtkeni oǵan deıin bardyń birneshe qyzmetkerin «sapasyz qyzmeti» úshin jumystan shyǵarǵan.
Kináli, sonymen birge, €62 myń aıyppul tóleýi tıis.
