Ispanııada áıgili «El Gordo» rojdestvolyq lotereıasynyń utys oıyny ótti

ASTANA. KAZINFORM – Dástúr boıynsha, jyl saıyn Rojdestvo merekesinde mıllıondaǵan ıspandyq 20-dan 400 myń eýroǵa deıin utatynyna úmittenip, ózderi úshin jáne syılyq retinde qundy lotereıa bıletin satyp alady.

Madrıdtegi Koroldik teatrynda (Teatro Real) áıgili «El Gordo» rojdestvolyq lotereıasy tikeleı efırde oınatyldy. 

Onyń bıylǵy júlde qory 2,7 mlrd eýrony quraıdy. 

«El Gordo» (ıspan tilinen aýdarǵanda «semiz adam») 1812 jyldan beri ótkizilip keledi. Bul álemdegi eń tanymal, eń kóne jáne syıaqy mólsheri boıynsha eń kólemdi lotereıa bolyp sanalady.

Oǵan qatysý alyp barabannan sharlar qulaǵanyn tikeleı tamashalaıtyn mıllıondaǵan ıspandyq azamat úshin merekelik dástúrge aınalǵan. Baraban ishinde 100 myń dana shar bar. Utys oıyny olar taýsylǵanda aıaqtalady. 

Bılettiń quny – 20 eýro. Lotereıa óte tanymal bolǵandyqtan, memleket bıýdjetine odan jaqsy kiris túsedi. 

Bıyl 193 mln bılet satylymǵa shyqty. Kóbiniń nómirleri birdeı, al utys jeńimpazdar arasynda bólinedi. Sondyqtan bir kenttiń turǵyndary men bir kompanııanyń qyzmetkerleri djek-potty qalaı utqany týraly áńgimeler jıi aıtylady.

Júlde somasy – 20-dan 400 myń eýroǵa deıin. 40 myń eýrodan asatyn utysqa 20% salyq salynady. 

Degenmen, olardy 2025 jyldyń 22 naýryzyna deıin alyp ketý kerek: odan keıin utys bıleti jaramsyz sanalady.