Ispanııada áýe dıspetcherleriniń jetispeýi saldarynan 4 áýejaı jabyldy
ASTANA. 4 jeltoqsan. QazAqparar - Ispanııanyń avıatsııalyq ókimeti áýe dıspetcherleriniń jetispeýine baılanysty tórt áýejaıdyń ýaqytsha jabylǵanyn habarlady.
«Naýqastaný sebebi boıynsha» dıspetcherlerdiń jumys oryndarynda jappaı bolmaýyna baılanysty Madrıdtegi Barahas» áýejaıy óz jumysyn toqtatty, dep habarlady RBK.
Palma-de-Maıorka, Ibıtsa jáne Menordaǵy áýejaılar da osyndaı sebeptermen ushaqtardy ushyra almaı otyr.
Kelip túsken aqparattar boıynsha, atalǵan áýejaılardyń dıspetcherleri basshylaryna «mazalarynyń bolmaı jatqanyn» habarlap, jumystaryna shyqpaı qalǵan. Biraq ta, Ispanııanyń Áýejaılar jáne áýe navıgatsııasy basqarmasy (AENA) ókilderiniń pikirinshe, dıspetcherler osyndaı «qýlyqpen» jumys ýaqytyn qysqartýǵa, jalaqyny kóterýge jáne jeńildikterdiń saqtalýyna qol jetkizbek.
Jergilikti basylymdarǵa silteme jasap CNN kompanııasynyń habarlaýynsha, osynyń aldynda ıspan úkimeti AENA basqarmasyn jartylaı jekeshelendirýge, sondaı-aq jekelegen áýejaılardy jekemenshik operatorlardyń kúshimen basqarýǵa múmkindikter ashatyn zańdy maquldaǵan. Bul zań sondaı-aq áýe dıspetcherleriniń jumys ýaqytyn esepteýdiń jańa kórsetkishterin belgileıdi.
