Ispanııada «Astana» velokomandasynyń maýsymashar sharasy ótedi
ASTANA. 28 qańtar. QazAqparat - «Astana» velokomandasynyń jańa maýsymda synǵa túsetin sportshylarynyń tanystyrylymy ótedi.
«Alaman» ulttyq sport portalynyń málimetinshe, qańtardyń sońy qazaq velosporty úshin aıtýly kún bolmaq. El abyroıyn arqalap júrgen «Astana» velokomandasynyń maýsymashar toıy ótpek. Ispanııanyń Valensııa qalasyna qarasty Kalpe aımaǵynda bolatyn bul toıdyń jóni bólek. Jıynda «Astananyń» jańa maýsymda synǵa túsetin sportshylarynyń tanystyrylymy ótedi. Buǵan qosa, komandanyń kıimi, teber velosıpedi jankúıer nazaryna usynylady. Jyl saıyn komandanyń tusaýyn jer jerde kesý dástúrge aınaldyrǵan. Máselen, maýsymashar toıy 2007 jyly Astanada ótken. Keıin Shveıtsarııa men Monako qabyldady. Endigi kezek - Ispanııada.
Bul basqosýǵa kári qurlyqtyń túpkir-túpkirinen beldi sportshylar, sport sheneýnikteri keledi dep kútilýde. Buǵan qosa, maýsymashar toıdan aqparat taratýǵa elýden astam tilshiler kelmek. Bizdiń elden bul toıǵa arnaıy delegatsııa 29 qańtar kúni attanady.
