Ispanııada ártistik júzýden Qazaqstan qorjynyna ekinshi júlde tústi
ASTANA. KAZINFORM - Ártistik júzýden Ispanııanyń Pontevedra qalasynda ótip jatqan Álem kýbogy kezeńinde Qazaqstan quramasy ekinshi júldesine qol jetkizdi, dep habarlaıdy Qazaqstannyń ulttyq olımpıadalyq komıteti.
Komıtet taratqan málimetterge qaraǵanda, bul joly el qorjynyna medaldi Aldııar Ramazanov saldy. Qazaqstandyq sportshy erler arasyndaǵy tehnıkalyq baǵdarlamada óner kórsetip, úshinshi orynǵa taban tiredi.
Otandasymyz tóreshilerdiń sheshimimen 223,0833 upaı jınady. Italııalyq Fılıppo Pelatı 229,7325 upaımen altyn medal jeńip aldy. Ispanııalyq Eneko Sanches Agılar 228,4342 upaımen kúmis medalǵa ıe boldy. Taǵy bir qazaqstandyq sportshy Vıktor Drýzın jarysty besinshi orynmen aıaqtady. Onyń nátıjesi - 203,5667 upaı.
Aıta keteıik, bul Aldııar Ramazanovtyń atalǵan týrnırdegi ekinshi júldesi. Buǵan deıin ol ıAsmına Islamovamen juptasyp, tehnıkalyq baǵdarlamada qola medal jeńip alǵan edi.
Qazaqstan ártistik júzýden álem kýbogy kezeńinde qola júldege ıe boldy.
