Ispanııada aptap ystyqtan qaza bolǵandar sany 2600-den asty

ASTANA. KAZINFORM – Bul málimetterdi Ispanııadaǵy kúndelikti adam ólimimen baılanysty monıtorıng júıesi keltirgen.

Zertteýler kórsetkendeı, 15 mamyrdan beri Ispanııada joǵary temperatýramen baılanysty 2 635 adam kóz jumǵan. Olardyń shamamen jartysy (1 149 jaǵdaı) 3-ten 18 tamyz aralyǵyndaǵy aptap ystyq tolqyny kezinde qaza bolǵan.

Kanar araldarynda jaz mezgilinde 51 ólim tirkelip, onyń 15-i tamyzda, 36-sy shildede bolǵan.

— Joǵary temperatýramen balanysty ólimderdiń basym kópshiligi 65 jastan asqan adamdarǵa (2 529 jaǵdaı), ásirese 75 jastan asqandarǵa (2 347 jaǵdaı, onyń ishinde 1 747 adam 85 jastan asqan) tıesili, — delingen habarlamada.

Júıe derekterine sáıkes, qaza bolǵandardyń ishinde 1 579-y — áıel, al 1 056-sy — er adam.

Mamandardyń baǵalaýynsha, Ispanııada osy jazda tirkelgen 2 635 ólim joǵary temperatýramen baılanysty, bul ótken jyldyń 15 mamyrynan 30 qyrkúıegine deıingi aralyqtaǵy 1 856 jaǵdaımen salystyrǵanda 40%-ǵa kóp.

Osyǵan deıin Ispanııada aptap ystyqtan 1060 adam qaza bolǵany týraly jazdyq.