Ispanııada aptap ystyqtan 5 myńnan astam adam kóz jumdy
ASTANA. KAZINFORM – Ispanııada bıyl jazda ekstremaldy aptap ystyqpen baılanysty rekordtyq 5 030 ólim jaǵdaıy tirkeldi, dep habarlaıdy TASS.
Bul týraly eldegi ólim-jitimdi kúndelikti baqylaý júıesiniń derekterinde aıtylǵan.
Málimetke sáıkes, bul 2015 jylǵy qańtardan beri júrgizilip kele jatqan baqylaý tarıhyndaǵy eń joǵary kórsetkish.
Buǵan deıin ıspanııalyq meteorologtar 2026 jyldyń alǵashqy jartysy elde keıingi 65 jyldaǵy eń jyly kezeń bolǵanyn habarlaǵan edi. Bıylǵy maýsym eń ystyq maýsym aılarynyń arasynda ekinshi orynǵa shyqsa, shilde 1961 jyldan bergi baqylaý tarıhyndaǵy eń ystyq ári eń qurǵaq shilde boldy.
Eske salaıyq, buǵan deıin Frantsııa tarıhynda ekinshi eń uzaq aptap ystyq tirkelgeni habarlanǵan.
Sondaı-aq aptap ystyq saldarynan Eýropadaǵy iri taý shańǵysy kýrorttarynyń biri jabyldy.
