Ispanııada apatqa ushyraǵan poıyz jyldamdyqty saǵatyna 140 shaqyrymnan asyrǵan

Bul týraly El Mundo basylymyna silteme jasaǵan RosBıznesKonsaltıng jazady.

Atalmysh ýchaskede ruqsat etilgen jyldamdyq saǵatyna 80 shaqyrymdy quraǵanymen, apat kezinde quram saǵatyna 220 shaqyrym jyldamdyqpen qozǵalǵan. Bálkim bul tosyn oqıǵanyń oryn alýyna sebep bolǵan da shyǵar.

Eske sala keteıik, Madrıd-Ferrol qalaaralyq júrdek poıyzy 24 shilde kúni Ispanııanyń soltústik-batysynda relsterden shyǵyp ketti. Apat 77 adamnyń ómirin qıdy, 120-sy jaraqattandy. Jalpy quramda 240 jolaýshy otyrǵan.

Poıyzdyń barlyq 13 vagony da relsten taıqyp, olardyń 4-ýi aýdaryldy. Poıyz jyldamdyǵynyń joǵary bolǵany sonsha, apat kezinde vagondardyń biri kókke ushyp, shoıyn joldardyń qasyndaǵy bókterge qulaǵan. Keıbir vagondar órtke orana bastady. Kýágerlerdiń aıtýlarynsha, qurylymnyń relsten shyqqan kezinde jarylys estilgen.