Ispanııada apatqa ushyraǵan poezdyń mashınısi tutqyndaldy
ASTANA. 27 shilde. QazAqparat - Ispanııa polıtsııasy Santıago-de-Kompostela mańynda apatqa ushyraǵan poezdyń mashınısin resmı tutqyndady. Bul týraly VVS habarlady.
Budan buryn habarlanǵandaı, apat saldarynan 78 adam opat bolyp, 160-y jaraqat aldy. Mashınıst alǵan jaraqatynan aýrýhanaǵa jatqyzyldy. Qazir onyń janyna kúzet qoıylǵan.
Aldyn ala málimet boıynsha poezd atalǵan ýchaskede ruqsat etilgen kórsetkishten eki esege jýyq joǵary jyldamdyqpen júrip otyrǵan. Ispanııada atalǵan oqıǵadan keıin úsh kúndik ulttyq aza tutý jarııalandy.
