Ispanııada «Alısa» daýylynyń saldarynan ondaǵan úı sý astynda qaldy

ASTANA. KAZINFORM — «Alısa» daýyly Ispanııanyń shyǵys bóligine tóndi. Meteorologııalyq qyzmet AEMET Valensııa aımaǵynda qyzyl, al Katalonııa men Balear araldarynda qyzǵylt sary deńgeıli dabyl jarııalady. 

Naızaǵaı, nóser jaýyn, burshaq jáne daýyl turýy múmkin.

AZƏRTAC agenttiginiń habarlaýynsha, buǵan deıingi jaýyn-shashyn saldarynan Katalonııadaǵy Gandııa men Sherako eldi mekenderi arasyndaǵy temirjol qatynasy toqtatyldy. Aımaqtyń ártúrli bólikterinde avtojoldardy tazalaý úshin aýyr tehnıka tartylǵan.

Godall eldi mekeninde ondaǵan úıdi sý basqan. Ákimdik ǵımaratynyń bir bóligi qıraǵan. Sý tasqyny saldarynan ondaǵan avtokólikti aǵynmen birge shaıylyp ketken.

— Biz ekinshi qabatqa kóterilip aman qaldyq. Bar bolǵany birneshe mınýttyń ishinde alań teńizge aınaldy, — dedi jergilikti La Vanguardia basylymyna jergilikti barlardyń biriniń ıesi Blanka Ballester. 

Valensııada daýyl saldarynan joldarda 400-ge jýyq oqıǵa tirkeldi.