Ispanııada álemdegi eń qymbat nan satylady
ASTANA. QazAqparat - Ispanııanyń Algatosın aýylynda «Pan Piña» naýbaıhanasy erekshe ónimin 150 dollardan satpaq, dep jazady Rosbalt jergilikti basylymǵa silteme jasaı otyryp.
Bul - aýyldyń dándi-daqyldy uny, ashytqysy, sýyna ılengen, altyn úlpek qosylǵan bólke. Nan baǵasynyń sharyqtatyp ketkeni de osy altyn úlpektiń qosylǵanyna baılanysty.
Naýbaıhana ıesi Hýan Manýel Moreno altyn nan ıdeıasy altyn úlpek qosylǵan eń qymbat kofe jaıly maqaladan keıin paıda bolǵanyn aıtady.
Ol altynnyń nan dámine esh áser etpeıtinin aıtty, kerisinshe kóptegen klıentter altyndy as qorytý úshin paıdaly dep sanaıdy.
Nannyń qymbattyǵyna qaramastan, naýbaıhanaǵa kún saıyn álemniń túpkir-túpkirinen tapsyrys túsedi. Eń qyzyǵy, satyp alýshylar arasynda Reseı men Qytaı azamattary basym.
