Ispanııada Abaı men Úzeıir Gadjıbeılıdiń mereıtoılaryna arnalǵan poshta markalary shyqty

MADRID. QazAqparat - Ispanııadaǵy Halyqaralyq Túrki mádenıeti men murasy qorynyń bastamasymen Abaıdyń 175 jyldyǵyna jáne Úzeıir Gadjıbeılıdiń135 jyldyǵyna oraı poshtalyq markalar shyǵaryldy, dep habarlaıdy QazAqparat.

Halyqaralyq Túrki mádenıeti men murasy qorynyń qoldaýymen jáne Ispanııa Koroldigindegi Ázerbaıjan Respýblıkasy elshiliginiń uıymdastyrýymen qazaqtyń uly aqyny, qazirgi qazaq jazba ádebıetiniń negizin qalaýshy Abaıdyń 175 jyldyq mereıtoıyna jáne asa kórnekti ázerbaıjan kompozıtory, mýzykatanýshy, Shyǵystaǵy alǵashqy opera jáne operetta avtory, ázerbaıjan ulttyq mýzykasynyń negizin qalaýshy Úzeıir Gadjıbeılıdiń 135 jyldyǵyna oraı Ispanııada Túrki áleminiń eki uly qaıratkerine arnalǵan poshta markalary shyǵaryldy.

Abaı men Úzeıir Gadjıbeılı, olardyń shyǵarmashylyǵynyń úlgileri, sondaı-aq túrki áleminiń mádenı qundylyqtary men ulttyq mýzykalyq aspaptary beınelengen poshtalyq markalar Ispanııa boıynsha aınalymǵa shyǵaryldy.

Markilerdi basyp shyǵarýdyń maqsaty - halyqaralyq aýqymdy aýdıtorııany Túrki áleminiń kórnekti tulǵalarynyń shyǵarmashylyǵymen tanystyrý.