Ispanııa jaǵalaýynan bir táýlikte 600 mıgrant qutqaryldy
ASTANA. QazAqparat -Ispanııa teńizi jaǵalaýynan bir táýlik ishinde Afrıka elderinen kele jatqan 600 mıgrant qutqaryldy, dep habarlaıdy Belta.
Juma kúni jáne senbi kúni tańerteń Kartahen aýdanyna (Mýrsııa avtonomııasy) baǵyt alǵan 41 qaıyqtaǵy 431 adamdy baıqaǵan. Sosyn qutqarýshylar Ispanııa jaǵalaýyna jaqyn mańnan 10 qaıyqty ustady.
Osy jyly Ispanııaǵa keletin mıgranttar sanynyń óskeni baıqalýda. 2017 jyldyń basynan bastap teńiz arqyly 17,7 myń adam kelgen. Jalpy jyl ishinde Eýropaǵa 160 myń mıgrant kelse, onyń 75% Italııa qabyldasa, qalǵandary Gretsııa, Ispanııa jáne Kıpr elderinde qalǵan. Shamamen 3 myń mıgrant mert bolǵan.
