Ispanııa úkimetiniń tóraǵasy Katalonııadaǵy referendýmǵa qatysty resmı málimdeme jasady
ASTANA. QazAqparat - Katalonııada daýys berý aıaqtalǵannan keıin Ispanııa úkimetiniń tóraǵasy Marıano Rahoı Madrıdte resmı málimdeme jasap, Katalonııadaǵy daýys berýdi ózin-ózi bıleý týraly referendým dep ataýdan bas tartty, dep habarlaıdy TASS.
Katalonııada daýys berý aıaqtalǵannan keıin Ispanııa úkimetiniń tóraǵasy Marıano Rahoı Madrıdte resmı málimdeme jasap, Katalonııadaǵy daýys berýdi ózin-ózi bıleý týraly referendým dep ataýdan bas tartty.
«Katalonııada ózin-ózi bıleý týraly referendým ótken joq, - dep atap ótti premer.
Úkimet basshysynyń pikiri boıynsha, óńirlik bılikterdiń separatıstik protsesi «sátsizdikke ushyrady».
Sondaı-aq, ol «kóptegen katalondyq halyqtyń plebıstsıtke qatysqysy kelmegenin» habarlady.
Aıta keteıik, Katalonııa úkimetiniń resmı ókili Jordı Týrýl málimdeýinshe, jeksenbi kúni Ispanııanyń Katalonııa aımaǵynda ótken referendýmda turǵyndardyń 90%-y táýelsizdikti qoldap daýys bergen. Katalonııa úkimetiniń resmı ókili baspasóz máslıhatynda táýelsizdik alý týraly bastamany saılaýshylardyń 7,8%- qoldamaǵanyn, al 2%-ynyń bıýlletenderi bos bolyp shyqsa, 0,89% - búlingen dedi.
Aıta keteıik, Ispan bıliginiń osy referendýmǵa qatysty ustanymyn jarııalady. Bul daýys berýdiń eshqandaı zańdy kúshi joq, sebebi ol koroldiktiń konstıtýtsııasyna qaıshy keletindigin habarlady.
