Ispanııa Úkimeti túsik jasatý zańnamasyn qataıtpaq
ASTANA. 22 jeltoqsan. QazAqparat - Ispanııa Úkimeti túsik jasatý zańnamasyn qataıtý boıynsha usynysty qoldady. Al bul sharanyń qarsylastary narazylyq aktsııasyn ótkizbek.
Zańnyń jańa redaktsııasyna sáıkes, júktilikti qoldan úzýge áıelder quqyly bolmaıdy. Atap aıtqanda, endi zorlyq-zombylyq jaǵdaıynda nemese ananyń densaýlyǵyna qaýip tóngende ǵana túsik jasatýǵa ruqsat etiledi.
«Bolashaq balanyń ómiri tek anasynyń sheshimine ǵana baılanysty bolýyna jol bere almaımyz», - dedi Ispanııa ádilet mınıstri Alberto Rýıs-Galıardon.
VVS-diń jazýynsha, qazirgi qoldanystaǵy zańnyń normalary júktilik merzimi 14 aptadan az bolǵan jaǵdaıda áıelderge túsik jasatýǵa ruqsat beredi. Eger de embrıonaldyq kemshilikter baıqalsa, onda bul merzim 22 aptaǵa deıin uzartylady.
Mınıstrler kabınetiniń usynysy aldaǵy aılarda Ispanııanyń Parlamentinde qaralady.
