Ispanııanyń Tramptyń synynan soń AQSh-qa qoldaý kórsetýge keliskeni ras pa
ASTANA. KAZINFORM - Aq úıdiń baspasóz hatshysy Kerolaın Lıvıtt Ispanııanyń amerıkalyq áskerlermen yntymaqtastyq ornatýǵa keliskenin málimdedi, dep habarlaıdy BBC.
Donald Tramp buǵan deıin Ispanııa AQSh-qa Iranǵa qatysty operatsııa aıasynda óz áskerı bazalaryn paıdalanýǵa tyıym salǵannan keıin elmen barlyq saýdany toqtatatynyn aıtyp, qoqan-loqy jasaǵan. Lıvıttiń aıtýynsha, Ispanııa Tramptyń «joldaýyn» túsindi.
Alaıda Ispanııa syrtqy ister mınıstrligi Lıvıttiń málimdemesinen keıin ıspan bıliginiń ustanymy ózgermegenin habarlady.
— Men qandaı da bir ózgeristerdi úzildi-kesildi joqqa shyǵaramyn. Bazalardy paıdalaný máselesi boıynsha da, Taıaý Shyǵystaǵy soǵys boıynsha da, Irandy bombalaý máselesi boıynsha da bizdiń ustanymymyz múlde ózgergen joq, — dedi Ispanııa SІM basshysy Hose Manýel Albares Cadena SER radıostantsııasyna bergen suhbatynda.
Buǵan deıin Ispanııa premer-mınıstri Pedro Sanches Ispanııa úkimetiniń ustanymyn «soǵys jol bermeımiz» degen sózben sıpattaýǵa bolatynyn málimdegen.
Ol ótkenniń qatelikterin qaıtalamaýǵa shaqyrdy.
Onyń aıtýynsha, 2003 jylǵy Irakqa basyp kirýdegi alǵa qoıǵan maqsattar oryndalǵan joq, biraq óńirde turaqsyzdyq týǵyzyp, turǵyndardyń ómirin nasharlatty.
Sanches Iranǵa jasalǵan shabýyldar mıllıondaǵan qarapaıym adam úshin osy tektes ekonomıkalyq saldarǵa ákelýi múmkin ekenin aıtyp, Ispanııa úkimeti buǵan qarsy sharalardy qarastyryp jatqanyn málimdedi.
Osyǵan deıin Ispanııanyń AQSh tarapynan jasalǵan qoqan-loqyǵa jaýap bergeni týraly jazdyq.
