Ispanııa sahnasynda «Uly dala áýenderi» áýeleıtin bolady
ALMATY. QazAqparat - Qurmanǵazy atyndaǵy Qazaq memlekettik akademııalyq halyq aspaptar orkestri kontserttik baǵdarlamamen Madrıd qalasyna barady. Bul týraly orkestrdiń baspasóz qyzmetinen málim etti, dep habarlaıdy QazAqparat tilshisi.
7 jeltoqsanda Ispanııa astanasy Madrıdte ótetin kontsert Qazaqstan Respýblıkasy Táýelsizdigi merekesine arnalady. Orkestrdiń gastroldik sapary Prezıdenttiń «Bolashaqqa baǵdar: rýhanı jańǵyrý» baǵdarlamasy aıasynda Mádenıet jáne sport mınıstrliginiń qoldaýymen uıymdastyrylyp otyr.
Ujym osy sapar aıasynda eki el arasyndaǵy ózara yntymaqtastyqty jandandyrýdy, qazaq ónerin dáripteýdi maqsat etýde.
«Uly dala áýenderi» atalatyn kontsert baǵdarlamasynda halyq kúılerimen qatar, Qurmanǵazy, Túrkesh, Qorqyt, Latıf Hamıdı, Nurǵısa Tilendıev, Qadyr Myrzalıdiń týyndylary, sondaı-aq álemniń klassık kompozıtorlary Jorj Bıze, Antonıo Vıvaldı, Imre Kalman, Iogann Shtraýstyń shyǵarmalary oryndalady», - dedi Qurmanǵazy orkestriniń baspasóz qyzmeti.
2017 jyly orkestr ujymy «Uly dala áýenderi» atty kontserttik baǵdarlamamen Parıjde ıÝNESKO shtab-páteriniń Úlken zalynda, Bolgarııa Respýblıkasynyń Varna, Plovdıv, Sofııa qalalarynda, Ózbekstan astanasy Tashkent jáne Samarqand qalalarynda óner kórsetken bolatyn.
