Ispanııa resmı túrde eki jyldyq retsessııadan shyqty
ASTANA. 30 qazan. QazAqparat - Eki jyldan astam ýaqyttan beri Ispanııa ekonomıkasynda alǵash ósim baıqaldy. Bul jaıynda osy eldiń ulttyq statıstıkalyq agenttiginiń málimetterinde habarlanǵan.
Atap aıtqanda, Ispanııa Іshki jalpy ónimi shildeden bastap qyrkúıek aralyǵynda 0,1 paıyzǵa joǵarylaǵan eken. Ótken aptada osy eldiń ІJÓ ósimin Ortalyq bank te rastaǵan bolatyn.
Ulttyq statıstıkalyq agenttiginiń málimeti boıynsha, ekonomıka ósimine eksport kóleminiń artýy, sondaı-aq Afrıka men Taıaý Shyǵystaǵy qolaısyz ahýalǵa baılanysty týrıstik saladaǵy serpilis áser etken.
Ispanııa ekonomıkasy 2008 jyly nesıelik daǵdarys eldiń qurylys salasyn quldyratqannan keıin eleýli qıyndyqtardy sezingen edi.
Bul memlekettegi jumyssyzdyq deńgeıi 26 paıyzǵa jetip, osy jaǵynan Eýropadaǵy eń joǵary kórsetkishterdiń biri retinde tirkeldi.
