Ispanııa portynda keme aýdaryldy
MADRID. QazAqparat – Ispanııanyń Kastelon qalasynyń (Valensııanyń avtonomdy qoǵamy) portynda juma kúni keshke júk kemesi aýdaryldy. Bul týraly aılaqtyń Twitter-degi habarlamasynda málim etildi, dep habarlaıdy QazAqparat.
«Bortynda toǵyz ekıpaj múshesi bar Nazmuye Ana kemesi Kastelon portynda konteınerlerdi tıeý kezinde aýdarylǵan», - delingen habarlamada. Saldarynan úsh azamat zardap shekti, olardyń ekeýi – Ispanııa azamattary. Odan bólek, iz-túzsiz joǵalǵan eki adam izdestirilýde.
Kemeniń aýdarylý sebebi anyqtalýda.
EFE agenttiginiń dereginshe, keme panamalyq týmen júrgen.
