Ispanııa, Portýgalııa jáne Frantsııanyń ońtústiginde aptap ystyq bolady
BRıÝSSELЬ. QazAqparat - Frantsııanyń Meteo France ulttyq meteorologııalyq qyzmeti mamandarynyń boljamyna sáıkes, seısenbiden bastap Frantsııanyń ońtústik-batysynda jáne Rona ańǵarynda aýa temperatýrasy 36-38 gradýs tselsııden asyp, klımattyq normadan joǵary bolady, dep habarlaıdy QazAqparat tilshisi.
Frantsýz meteorologtary Marokko, Frantsııa jáne Brıtan araldary arasynda joǵary qysym aımaǵy qalyptasyp jatqanyn atap ótti. Bul Frantsııaǵa Marokko men Ispanııadan ystyq aýa aǵynynyń jaǵdaıyn týdyrady. Ispanııanyń meteorologııalyq agenttiginiń habarlaýynsha, ótken kúni Kandeleda mýnıtsıpalıtetinde aýa temperatýrasy + 43,3 gradýsqa jetken.
Sevılde - 42,4 gradýs. Ispanııanyń ońtústik-batysyndaǵy Badahos pen Merıda qalalarynda da 42 gradýsqa deıin ystyq boldy. Ispanııalyq sınoptıkterdiń boljamy boıynsha, eldegi qalypty ystyq aldaǵy kúnderi kúsheıedi.
Kórshi Portýgalııada demalys kúnderi aýa temperatýrasy 44 gradýsqa deıin kóterilip, el astanasy Lıssabonda orman órtendi. Jergilikti sheneýnikterdiń aıtýynsha, órt sóndirýshiler Orema mýnıtsıpalıtetindegi eń iri órtti baqylaýǵa alǵan. Portýgalııada dúısenbi kúni aýa temperatýrasy sál tómendegenimen, aldaǵy kúnderi qaıtadan kóteriledi dep kútilýde.
Eýropalyq ǵalymdardyń aıtýynsha, jahandyq klımattyń ózgerýine baılanysty Eýropanyń ońtústiginde aptap ystyq tolqyny jıilegen. Jahandyq temperatýra kóterilgen saıyn joǵary ystyq tolqyndar kúsheıe túsedi dep kútilýde.
