Ispanııa parlamentine saılaý: jeńiske jetken ońshyldar koalıtsııa qura almaıdy
Biraq, Halyq partııasynyń nátıjesi saýalnama kezinde boljanǵan jaqsy kórsetkishten alshaqtaý – endi ol Vox ońshyldar partııasymen (33 depýtattyq mandat) birikse de, ózdiginen bılik etetin koalıtsııa qura almaıdy.
Endi eldi qıyn koalıtsııalyq kelissózder kútip tur, onyń nátıjesin boljaý múmkin emes. Merziminen buryn ótken saılaýda konservatorlarǵa basty qarsylas – bılik basyndaǵy Ispanııa sotsıalıstik jumys partııasy boldy, ol 122 oryn aldy. Tórtinshi orynda – Sumar solshyldar partııasy alıansy, oǵan 31 mandat tıesili.
Buǵan deıin Halyq partııasy Vox-pen koalıtsııa qura alady dep boljanǵan edi. Osylaısha, ońshyldar ókilderi Ispanııa bıligine 1975 jyly dıktator Frantsısko Franko qaıtys bolǵannan keıin alǵash ret Ispanııa bıligine oralyp otyr.
Alaıda, qazir úkimet qurý úshin ońshyldardyń daýysy jetkiliksiz ekeni anyq — degenmen Halyq partııasynyń jetekshisi Alberto Nýnes Feıhoo koalıtsııa týraly kelissózderdi bastaıtynyn málimdedi. Solshyldar birneshe aımaqtyq partııalarmen ózderiniń basqarýshy koalıtsııasyn qurýǵa tyrysýy múmkin, biraq bul ońaı bolmaıdy.
Eske salaıyq, 23 shildede Ispanııada eldiń negizgi zań shyǵarýshy organyna saılaý ótetinin buǵan deıin jazǵan edik. Ispandyqtar tómengi palata – Kongrestiń (350 oryn) jańa quramyn, sonymen qatar Senattyń 265 ornynyń 208-in saılaýy tıis bolatyn. Negizgi tartys qandaı partııalar arasynda júretinin jáne Ispanııanyń saıası júıesi úshin bul saılaýdyń mańyzy jóninde QazAqparat sholý materıal usynǵan bolatyn.
