Ispanııa orman órtinen zardap shekken aımaqtardy tótenshe jaǵdaı aýmaǵy dep jarııalaıdy
ASTANA. KAZINFORM — Ispanııa úkimeti orman órtterinen zardap shekken óńirlerdi tótenshe jaǵdaı saldarynan eleýli zardap shekken aımaqtar dep jarııalaıdy. Bul týraly el premer-mınıstri Pedro Sanches jýrnalısterge málimdedi, dep TASS habarlady.
Premer-mınıstrdiń aıtýynsha, Madrıd avtonomııalyq qaýymdastyǵynda, sondaı-aq Avıla jáne Toledo provıntsııalaryndaǵy órtterdi oqshaýlaý jaǵdaıy oń baǵytta damyp keledi.
Onyń sózinshe, kelesi aptada órtten zardap shekken aýmaqtardy azamattyq qorǵaý salasyndaǵy tótenshe jaǵdaıdan qatty zardap shekken aımaqtar retinde jikteıtin arnaıy qaýly qabyldanady.
Ispanııanyń birneshe óńirinde orman órtteri shyqqan. Solardyń ishindegi eń irisi Madrıd avtonomııalyq qaýymdastyǵy men oǵan qarasty aýmaqta órship otyr. Órt sharpyǵan jalpy aýmaq 45 myń gektardan asty. Qazirgi ýaqytta ony tolyq oqshaýlaý múmkin bolmaı otyr.
Turǵyndardyń qaýipsizdigin qamtamasyz etý maqsatynda ondaǵan myń adam qaýipsiz jerge kóshirildi.
Aıta keteıik, Ispanııada Madrıd mańy men Avıla provıntsııasynda orman órtteri áli de órship tur. El úkimeti eki óńirdegi ahýalǵa baılanysty ulttyq deńgeıdegi tótenshe jaǵdaı rejımin engizdi. Qaýipti aımaqtardan shamamen 100 myń adam evakýatsııalandy.
