Ispanııa oppozıtsııasynyń jetekshisi Seýtaǵa áskerı kemeler jiberýdi talap etti
ASTANA. KAZINFORM — Ispanııanyń negizgi oppozıtsııalyq Halyqtyq partııasynyń jetekshisi Alberto Nýnes Feıhoo Pedro Sanches úkimetinen avtonomııalyq Seýta qalasynyń mańyna áskerı-teńiz kúshterin (Armada) dereý jiberýdi talap etti.
Mundaı málimdeme Marokkonyń patrýldik qaıyǵy Ispanııanyń aýmaqtyq sýlaryna kirdi degen ázirshe rastalmaǵan aqparatqa baılanysty jasaldy.
Alberto Nýnes Feıhoo tıisti úndeýin 16 qazanda áleýmettik jelide jarııalady.
Onyń aıtýynsha, Marokko kemeleriniń Ispanııanyń aýmaqtyq sýlaryna birneshe ret kirýi kezdeısoq oqıǵa emes, «qaıtalanyp otyrǵan agressııa». Sondyqtan buǵan «batyl jaýap» berý qajet.
Eske salaıyq, 2026 jyldyń shilde aıynyń sońynda Afrıkanyń soltústiginde ornalasqan Ispanııa aýmaǵy — Seýtaǵa ondaǵan myń mıgrant jappaı kirgen edi. Sol kúnderi Marokkonyń fregat sııaqty áskerı kemeleri de Ispanııanyń aýmaqtyq sýlaryna ótken.
Ispanııa úkimetiniń basshysy Pedro Sanches bul jaǵdaıdy rastaǵanymen, ony «bir rettik oqıǵa» dep sıpattady. Sol kezde Ispanııanyń áskerı-teńiz kúshteri tejeý maqsatynda kemelerin ornalastyrǵan.
Buǵan qosa, Ispanııada bıyl qarasha aıynda kezekten tys parlament saılaýy ótetini belgili boldy.
