Ispanııa nóser jańbyrdyń astynda qaldy

ASTANA. QazAqparat – Ispanııanyń Ulttyq meteorogııalyq agenttigi el astanasynda, Toledo ólkesi men Kadıs qalasynda nóser jańbyrdyń saldarynan qaýiptiń qyzyl deńgeıin jarııa etti. Jeksenbi kúni de Madrıd pen oǵan taqaý aýdandarda qatty jaýynǵa baılanysty eskertý jarııalanǵan bolatyn, dep habarlaıdy QazAqparat tilshisi Sky News telearnasyna silteme jasap.

Madrıd pen Valensııanyń irgeles aımaǵy arasyndaǵy poıyzdardyń qozǵalysy toqtap tur. Madrıd meri Hose Lýıs Martınes-Almeıd apattyń aldyn alý brıgadasy jedel jumys isteýi úshin qala turǵyndaryn kóshege shyqpaýǵa shaqyrdy.

Meteorologtardyń boljamyna sáıkes, Madrıdte 12 saǵattyń ishinde bir sharshy metrge 120 lıtr jańbyr jaýady. Mundaı rekord 1972 jyly tirkelgen bolatyn. Ol kezde bir sharshy metrde 87 lıtr jaýyn jaýǵan edi.

Aýa raıynyń qolaısyzdyǵyna baılanysty Ispanııa chempıonatyndaǵy «Atletıko» men «Sevılıa» fýtbol komandalary arasyndaǵy oıyn keıinge shegerildi.

Tamyz aıynda Ispanııany jaılaǵan aptap ystyqtyń ornyn nóser jańbyr basqany jaıly aıtylýda. Ispanııanyń búkil tarıhyndaǵy eń ysyq kúni Andalýsııada tirkelip, synap baǵany 47,2 (116,96F) gradýsqa de ıin kóterilgen bolatyn.