Ispanııa NATO-nyń áskerı shyǵyndardy ulǵaıtý talabyn qoldamady
ASTANA. KAZINFORM — Ispanııa NATO-nyń áskerı shyǵyndardy JІÓ-niń 5 paıyzyna deıin arttyrý týraly usynysyn qabyldamady, dep habarlaıdy AZERTADJ.
Ispanııa Úkimeti NATO Bas hatshysy Mark Rıýtteniń aldaǵy alıans sammıtinde qorǵanysqa jumsalatyn shyǵyndardy ishki jalpy ónimniń (JІÓ) 5 paıyzyna deıin arttyrý týraly usynysynan bas tartty.
RTVE teleradıokorporatsııasynyń habarlaýynsha, bul týraly Ispanııa Koroldiginiń premer-mınıstri Pedro Sanches arnaıy hatta málim etken. Úkimet basshysy mundaı mindettemeni negizsiz ári tıimsiz dep baǵalady. Sonymen qatar, ol NATO-ǵa múshe ár el áskerı shyǵyndaryn arttyrý týraly sheshimdi óz betinshe qabyldaı alatynyn atap ótti.
Soǵan qaramastan, premer-mınıstr Ispanııanyń NATO aldyndaǵy tolyq adaldyǵyn rastap, eldiń «aldaǵy jyldary óz mindetin atqarýyn jalǵastyratynyn» jáne «Eýropanyń qaýipsizdik arhıtektýrasyna belsendi úles qosa beretinin» aıtty.
Osyǵan deıin habarlanǵandaı, Eýropa elderi qorǵanysty kúsheıtetedi. Máselen NATO-nyń 22 memleketi ishki jalpy ónimniń 2 paıyzyn bólgen.