Ispanııa murajaıynda balalarǵa túneýge ruqsat etilmek
ASTANA. Qazannyń 24-i. QazAqparat - Ispanııanyń Valensııadaǵy «Óner men ǵylymnyń shahary» («Ciutat de les Arts i les Ciencies») murajaı ortalyǵynda qarashanyń 21-nen bastap balalarǵa arnalǵan «Murajaıdaǵy tún» dep atalatyn baǵdarlama bastalady,
dep habarlaıdy QazAqparat Lenta. Rý saıtyna silteme jasap.
9-dan 12 jasqa deıingi balalardyń ortalyqta túrli istermen aınalysýlaryna, al odan keıin shatyrlarda túnep shyǵýlaryna múmkindikteri bolady.
Ǵylym murajaıynda balalarǵa keshki as beriledi, ańyzǵa aınalǵan qaharmandar týraly ınteraktıvti kórmeler boıynsha sýret salýǵa, saıahattaýǵa jáne asa úlken «Hromosom ormanyndaǵy» qazynany izdeýge ruqsat etiledi.
Baǵdarlama mektep oqýshylarynyń demalys kúnderin qospaǵanda aptasyna eki ret - beısenbi jáne senbi kúnderi jumys isteıtin bolady. Mektep jasyna deıingi balalar murajaıǵa eresekterdiń baqylaýymen jiberiledi. «Murajaıdaǵy tún» baǵdarlamasyna qatysý 65 eýro turady.
