Ispanııa men Portýgalııadaǵy daýyl segiz adamnyń ómirin qıyp ketti
NUR-SULTAN. QazAqparat – Ispanııa men Portýgalııa jáne Frantsııanyń ońtústiginde bolǵan daýyl saldarynan segiz adam qaza tapty, dep habarlaıdy QazAqparat France Press agenttigine silteme jasap.
Ispanııada alty adam, Portýgalııada eki adam ajal qushty. Qolaısyz aýa raıynan el astanasy men ekinshi úlken qala Portý arasyndaǵy temirjol qatynasy toqtady.
«Elza» daýyly ózenderdiń tasýyna soqtyrdy, elektr berý jelileri qulap, sonymen qatar áýe jáne temirjol baǵyttarynda qıyndyqtar týyndady. 14 áýe reısi toqtatylyp, Galısııada 8 myńǵa jýyq úı jaryqsyz qaldy. Aımaqta qaýiptiń qyzyl deńgeıi jarııalandy.
