Ispanııa men Portýgalııa elektr jaryǵynsyz qaldy

ASTANA.KAZINFORM — Ispanııa men Portýgalııada elektr qýaty jappaı úzilip jatyr. Temirjol jáne jol qatynasy úzildi, baǵdarshamdar da isten shyqty. Oqıǵanyń sebebi anyqtalyp jatyr, dep jazady Euronews. 

Endesa jáne Iberdrola kompanııalary Ispanııa ýaqytymen tústen keıin bolǵan aýqymdy elektr qýatyn óshirý sebepterin anyqtap jatyr. Bul Ispanııaǵa, Portýgalııaǵa jáne Frantsııa men Andorranyń keıbir aımaqtaryna áser etti.

Mıllıondaǵan adam elektr qýatynsyz qaldy.

Ispanııa úkimeti shuǵyl jınalys ótkizip jatyr.

Eýropadaǵy eń iri áýejaılardyń biri — Madrıd Barahasy elektr qýatynsyz qaldy. Kelgen reısterdiń jolaýshylary ushaqta kútýge májbúr, dep jazdy saıahatshylardyń biri.

Málimetterge sáıkes, Kanar araldarynda, Seýtte jáne Melılede elektr qýatymen problema joq.

Euronews málimetinshe Portýgalııa, elektr qýatynyń úzilýi el turǵyndaryn tańqaldyrdy, júzdegen jolaýshy Lıssabon men Madrıdtegi metro týnnelderinde, sondaı-aq elektr qýaty joq basqa qalalarda buǵattaldy.

Aýrýhanalar generatorlarda jumys istep jatyr.

Ispandyq BAQ Frantsııanyń ońtústik-batysyndaǵy órt Perpınıan men Shyǵys Narbonna arasyndaǵy joǵary voltty elektr jelisine zaqym keltirdi dep jazady. 

Aıta ketelik Ispanııanyń 50 qalasynda turǵyn úı daǵdarysyna qarsy demonstratsııalar ótken edi.