Ispanııa men Italııa polıtsııasy Afrıkadan Eýropaǵa bara jatqan kemeden birneshe tonna nasha tapty
ASTANA. QazAqparat - Ispanııanyń Azamattyq gvardııasy Pıreneı koroldigi men salyq basqarmasy jáne Italııanyń qarjy polıtsııasymen birlesip, Afrıkadan Eýropaǵa 15 tonna esirtki jetkizilýiniń aldyn aldy.
Bul týraly Ispanııanyń ishki ister mınıstrligi habarlady.
Quqyq qorǵaý ogandarynyń málimetteri boıynsha, Mysyrdyń týyn tikken balyq aýlaıtyn keme Marokkodan Italııaǵa nasha alyp ótpek bolǵan. Tekserý nátıjesinde borttan esirtki salynǵan 52 teń tabyldy, alaıda bul júkti tolyqtaı tárkileý múmkin bolmady. Mysyrdyń 9 azamatynan turatyn esirtki saýdalaýshylar ekıpajy zańsyz taýardyń áshkere bolatyndyǵyn sezgennen keıin dereý kemeni sýǵa batyrǵan. Soǵan qaramastan, Ispanııanyń azamattyq gvardııashylary men ıtalıandyq polıtsııa qyzmetkerleri 1,6 tonna esirtkini aıǵaq retinde alyp úlgerdi.
