Ispanııa men Frantsııada kúnniń qatty ystyǵynan órt jıilegen

NUR-SULTAN. QazAqparat – Eýropadaǵy rekordtyń deńgeıdegi temperatýraǵa baılanysty Ispanııa men Frantsııada órt shyqty, dep habarlaıdy QazAqparat tilshisi Deutsche Welle baslymyna silteme jasap.

Ispanııanyń Katalonııa avtonomdyq oblysynda órt shyqty. Órttiń iri oshaqtarynyń biri Barselonadan 140 shaqyrym qashyqtyqtaǵy Baldomar eldi mekeninde ornalasqan. Órt 500 gektar orman aýmaǵyn qamtyp, taǵy 20 myń gektarǵa taralýy múmkin. Frantsııada Lozer ońtústik óńirinde orman órti cóndirildi.

Órttiń qaıta tutaný qaýpi bar. Bıyl eki elde de mamyr aıy óte qatty ystyq bolǵan. Sonyń saldarynan qys pen kóktemde jaýyn-shashynnyń az túsýinen bolǵan qurǵaqshylyqty kúrdelendirip jibergen.

Meteo France meteorologııalyq qyzmeti habarlaǵandaı, senbide Frantsııanyń basym bóligi joǵary temperatýradan zardap shegedi. Parıjde 35 gradýs ystyq bolýy múmkin.