Ispanııa mektebinde oqýshy 5 adamdy pyshaqtady
Mektepke birneshe pyshaqpen kelgen mektep oqýshysy 5 adamdy jaraqattady. QazAqparat bul týraly Euronews-ke silteme jasap habarlaıdy.
Ispanııanyń Heres qalasyndaǵy memlekettik mektepte 14 jastaǵy jasóspirim pyshaqpen muǵalimder men oqýshylarǵa shabýyl jasady. Úsh muǵalim men kámeletke tolmaǵan eki bala zardap shekti. Polıtseılerdiń málimetinshe, qylmysker oqý ornyna eki pyshaqpen kelip, sabaq bastalǵannan keıin kóp uzamaı áreketin iske asyrǵan.
Jergilikti basylymdardyń málimetinshe, jasóspirim tez arada ustalyp, polıtsııa qamaýǵa alǵan. Oqýshynyń bul qylmysqa barýynyń sebebi habarlanǵan joq.
Jaraqat alǵan 4 adam aýrýhanaǵa jatqyzyldy. Muǵalimderdiń birine aýyr ota jasaldy, qazir ómirine qaýip joq.
