Ispanııa quramasy Ulttar lıgasynyń jeńimpazy boldy

ASTANA. QazAqparat - Ispanııa quramasy UEFA Ulttar lıgasynyń chempıony atandy, dep habarlaıdy QazAqparat tilshisi.

Ispanııalyq qurama fınalda Horvatııamen sheberlik baıqasty.

Oıynnyń negizgi kezeńinde qarsylastar bir-biriniń qaqpasynan sańylaý taba alǵan joq. Overtaımda da jeńimpaz anyqtalmady.

Penaltı serııasynda ıspan fýtbolshylary qarsylasynan 5:4 esebimen basym túsip, atalǵan týrnırdiń jańa jeńimpazy boldy.

Al úshinshi oryn úshin saıysta Italııa quramasy Nıderlandty 3:2 esebimen tize búktirip, qola júldege qol sozdy.

Aıta ketsek, Ulttar lıgasynda qazirge deıin 2019 jyly Portýgalııa, 2021 jyly Frantsııa chempıon atanǵan.

Eske sala keteıik, Qazaqstan quramasy V dıvızıonyna joldamaǵa qol jetkizdi.

Qazaqstandyq fýtbolshylar S lıgasy úshinshi tobynda Slovakııa, Ázerbaıjan jáne Belarýs quramalarymen synǵa tústi.