Ispanııa quramasyn álem chempıony etken bapker úzdik atandy
ASTANA. KAZINFORM — De la Fýente maýsymnyń úzdik fýtbol jattyqtyrýshysy atandy, dep habarlaıdy TASS agenttigi.
Ispanııa quramasynyń bas bapkeri Lýıs de la Fýente France Football jýrnalynyń nusqasy boıynsha 2025/26 maýsymynyń úzdik jattyqtyrýshysy dep tanyldy. Marapattaý rásimi Londonda ótip jatyr.
Ótken maýsymda de la Fýenteniń jetekshiligimen Ispanııa quramasy álem chempıonatyn ekinshi ret jeńip aldy. Buǵan deıin ıspandar mundaı jetistikke 2010 jyly Vısente del Boske baptaǵan kezde qol jetkizgen edi. Sondaı-aq Ispanııa quramasy qatarynan jeńilissiz ótken matchtar sany boıynsha absolıýt rekord ornatty. Qazir bul kórsetkish 42 matchqa jetken.
65 jastaǵy de la Fýente 2022 jyldan beri Ispanııa quramasyn jattyqtyryp keledi. Onyń jetekshiligimen komanda 2024 jyly Eýropa chempıonatynda, al 2023 jyly Ulttar lıgasynda jeńiske jetti.
Buǵan deıin maman Ispanııanyń túrli jas sanatyndaǵy quramalarynda jumys istegen. 2015 jyly ol 19 jasqa deıingi fýtbolshylar arasyndaǵy Eýropa chempıonatynda, al tórt jyldan keıin 21 jasqa deıingi oıynshylar arasyndaǵy qurlyq birinshiliginde komandasyn jeńiske jetkizdi.
Budan buryn «Atletıko Madrıd» Qazaqstandaǵy fýtbol akademııasynyń bolashaǵyn joǵary baǵalaǵanyn jazǵanbyz.
