Ispanııa quramasy álem chempıonatyndaǵy jeńisi úshin 15 mln dollar salyq tóleıdi
ASTANA. KAZINFORM – Ispanııanyń fýtboldan ulttyq quramasy bıylǵy álem chempıonatyndaǵy jeńisi úshin alǵan syıaqysynan shamamen 15 mln AQSh dollary kóleminde salyq tóleıtin boldy, dep habarlaıdy Fox News.
Fox News málimetinshe, bul jalpy syıaqy kóleminiń shamamen 30 paıyzyn quraıdy.
Telearnanyń habarlaýynsha, ádette FIFA týrnırdi qabyldaıtyn eldermen ulttyq fýtbol federatsııalaryn júlde qarjysynan alynatyn salyqtan bosatý týraly aldyn ala kelisedi. Alaıda bul joly mundaı tetik tolyq kólemde qoldanylmaǵan.
AQSh-tyń salyq organdary Ispanııa quramasynyń oıynshylaryn birtutas komanda retinde emes, AQSh aýmaǵynda tabys tapqan jeke salyq tóleýshiler retinde qarastyrady. Sol sebepti olarǵa berilgen syıaqyǵa salyq salynady.
Eske sala keteıik, 2026 jylǵy fýtboldan álem chempıonaty 11 maýsym men 19 shilde aralyǵynda AQSh, Kanada jáne Meksıkada ótti.
Fınalda Ispanııa quramasy Argentınany 1:0 esebimen jeńip, 2010 jyldan beri alǵash ret álem chempıony atandy.
